‘चाहनाले होइन, बाध्यताले रियलमा छु’

एजेन्सी – हामेस रोड्रिग्वेजले गत सिजननै आफुले रियल म्याड्रिड छाड्न चाहेको उल्लेख गर्दै क्लबका कारण जान नमिलेको खुलासा गरेका छन् । कोलम्बियाका प्ले मेकरलाई लिन एट्लेटिको म्याड्रिडले चासो देखाएको बताइएको थियो । यद्दपी हामेसले भने क्लबको नाम खुलाउन चाहेनन् ।

‘म नाम बताउँन चाहन्न । तर मलाई राम्रो टोलीमा जाने विकल्प थियो । मलाई थाहा छ यहाँ मैले धेरै खेल्न पाउँदिन,’ उनले भने, ‘तर विभिन्न कारणले मलाई जान दिइएन । मेरो चाहनाले भन्दा पनि बाध्यताले म यहाँ छु ।’

उनले रियलमा आफुले धेरै खेल्न नपाउने बुझिसकेको पनि बताएका छन् । ‘मलाई आशा मैले भविष्यमा बढी खेल्न पाउनेछु,’ उनले थपे,’ मसँग क्षमता र प्रतिभा छ । मेहनतले मलाई खेल्न पाउने अवस्थामा पुर्याउनेछ ।’

हामेसले अक्टुबरदेखि रियलबाट खेल्ने मौका पाएका थिएनन् । अघिल्लो आइतबार रियल सोसिडाडलाई रियलले २–१ ले हराउँदा उनले पहिलो रोजाईमा खेल्ने अवसर पाएका थिए । तर उक्त खेलमा अपेक्षित प्रदर्शन गर्न नसक्दा उनी फेरी बेन्चमा फर्किएका छन् । इस्को र मार्को एसेन्सियोको पुनरागमनले उनको खेल्ने सम्भावना झन् घटेको छ ।

प्रकाशित : सोमबार, असार १५, २०७७१३:१५

युभेन्टस लगातार नवौं सिजन सिरी ‘ए’ च्याम्पियन !